Categories
technology news technology tech nepal TIP AND TRICK

विच्याटले पायो नेपालमा कारोबार गर्ने अनुमति, एनएमबी बैंकमार्फत् कारोबार हुने

अन्तर्राष्ट्रिय डिजिटल पेमेन्ट कम्पनी विच्याटले नेपालमा कारोबारको अनुमति पाएको छ। नेपालमा कारोबार गर्नको लागि एनएमबी बैंकले विच्याटलाई एक्वायर गरेको नेपाल राष्ट्र बैंकले जनाएको छ।

अब नेपालमा विच्याटको कारोबार एनएमबी बैंकमार्फत् हुनेछ। विच्याट चीनमा सबभन्दा बढी प्रयोग हुने डिजिटल पेमेन्ट सिस्टम हो।

नेपाल राष्ट्र बैंकको भुक्तानी विभागका प्रमुख रेवती नेपालका अनुसार विच्याटले कारोबारको लागि एक महिना अघिनै अनुमति पाएको थियो। अनुमति पाए पनि कारोबार गरेको सूचना भने अहिलेसम्म नपाएको उनले बताए।

उता एनएमबी बैंकले भने आन्तरिक प्रक्रियाका कारणले कारोबार अहिलेनै सुरू भइनसकेको जनाएको छ।

बैंकका उच्च स्रोतका अनुसार चीनमा पछिल्लो भाइरसका कारण यस सम्बन्धित प्रक्रिया तथा छलफल रोकिएको जनाएको छ।

बैंकले विशेषगरी चीनबाट नेपाल भ्रमणमा आउने पर्यटकलाई लक्षित गरेर सुविधा दिने बताएको छ।

बैंकले पहिलो चरणमा होटल तथा सपिङ मलमा भुक्तानी गर्दा विच्याटको सुविधा दिने जनाएको छ।

योसँगै नेपालमा डिजिटल पेमेन्टको अनुमति पाउने पहिलो कम्पनी पनि बनेको छ। त्यसो त राष्ट्र बैंकले यसअघि नै विभिन्न कम्पनीहरूले नेपालमा डिजिटल पेमेन्ट कारोबार भइरहेको बताइएको थियो।

चर्चा भएसँगै राष्ट्र बैंकले सूचना निकालेर कारोबार नगर्न आग्रह गरेपछि कारोबार बन्द भयो।

अब भने नेपालमा डिजिटल पेमेन्टको लागि विच्याटले वैधानिक मान्यता पाएको छ।

Categories
technology news technology tech nepal

एनसेलको मेरो प्लान अब साप्ताहिक प्याकमा, के छन् फिचर्स

एनसेलले आफ्ना प्रिपेड ग्राहकका लागि मेरो प्लान अन्तर्गत साप्ताहिक प्लान ल्याएको छ । यस योजना अन्तर्गत ग्राहकले अब अझ सस्तो दरमा डेटा र भ्वाइस सेवाको फाइदा लिन सक्ने कम्पनीले जानकारी दिएको छ।

मंगलबार (पुस २९) देखि लागु हुने यो योजनामा एनसेलले दुई साप्ताहिक प्याकहरु २ जिबी प्लान र ६ जिबी प्लान ल्याएको छ । २ जिबी प्लान अन्तर्गत ग्राहकले कर सहित मात्र ९५.७७ मा २ जिबी डेटा पाउने छन्। यो प्लान अन्तर्गत ग्राहकले अननेट अर्थात एनसेल नेटवर्क भित्र करसहित मात्र १.२८ रुपैयाँ प्रति मिनेटमा भ्वाइस सेवाको फाइदा पनि लिन सक्नेछन् ।

त्यसैगरी ६ जिबी प्लान अन्तर्गत ग्राहकले कर सहित मात्र १९१.५४ रुपैयाँमा मा ६ जिबी (४ जिबी + २ जिबी भिडियो डेटा) पाउने छन्। यो प्याक अन्तर्गतको भिडियो डेटा युट्युब, आइफ्ल्क्सि, एनसेलको भिडियो पोर्टल तथा गुगल सेवाका अन्य सेवा जस्तै गुगल प्ले, म्याप्स आदि चलाउन प्रयोग गर्न सकिने छ।

डेटा प्याक सकिएपछि मेन ब्यालेन्स नकाटि आफै डेटा बन्द हुने मेरो प्लानको विषेशता रहेको यो प्लान अन्तर्गत ग्राहकले आफ्नो डेटा भोलुम सकिएपछि आवश्यकता अनुसारको मेरो प्लानहरु तुरुन्त सुचारु गर्न सक्नेछन् ।

साप्ताहिक प्लान अन्तर्गतका डेटा भोलुमको समयावधि सुचारु भएको दिन देखि ७ दिनको रहने छ । ग्राहकले एस्ट्रिक्स१७१२३ह्यास डायल गरी प्राप्त निर्देशन अनुसार कुनै पनि एउटा प्लान सुचारु गर्न सक्नेछन् ।

यस योजनामा रहेका कुनै पनि प्लान सुचारु गरेपछि हरेक हप्ता स्वतः नवीकरण हुनेछ । प्लान नविकरण हुनको लागि मोवाइलमा प्लान अनुसारको चाहिने ब्यालेन्स हुनु आवश्यक छ । मेन ब्यालेन्स प्लान नविकरण गर्न अपुग भएको खण्डमा पनि ग्राहकले विद्यमान शुल्क भ्वाइस प्रति मिनेट करसहित २.५४ मा प्रयोग गर्न सक्नेछन् ।